Lajmi i fundit:
  • 20:25 Kryeministri i Serbisë, Aleksandër Vuçiç flet pas vendimit të UEFA

  • 15:27 Bogdani: Rama, miliona lekë për lobing personal

  • 15:16 Arrestohet biznesmeni Hajredin Fratari

  • 14:40 Thirrje për protesta kundër vendimit të UEFA-s

  • 14:01 Kryeministri Edi Rama konferencë për vendimin e UEFA-s

  • 13:48 Kruja: Rama, prishje selektive të ndërtimeve

  • 13:25 Botërori i Katarit, klubet evropiane kërkojë të zhvillohet në maj

  • 12:18 BE, marrëveshje për reduktimin e CO2-shit

  • 11:24 Ambasadori francez: Vetëm diktaturat s’kanë opozita

  • 11:15 Vokshi: Asnjë Lek për shëndetin e grave

e-Matura në portalin qeveritar e-Albania, aplikim online për gjimnazistët

berisha-maturaTiranë- Nga gjimnazi i kryeqytetit “Petro Nini Luarasi”, kryeministri Berisha ka inaguaruar sot shërbimin elektronik e- Matura, një shërbim që ofrohet në portalin qeveritar www.e-Albania.al në kuadër të sistemit të interoperabilitetit.

Matura Shtetërore 2013 në portalin qeveritar është një shërbim elektronik i cili i mundëson maturantëve të bëjnë aplikimet online për plotësimin e fomularëve A1 dhe A1Z.

Gjithashtu, nëpërmjet sistemit të Interoperabilitetit ky shërbim arrin të përthithë të dhënat e nxenesit, duke i siguruar atij një identifikim 100% të saktë, në kohë reale dhe të sigurtë.

Portali unik qeveritar e-Albania është pjesa qendrore e një bashkimi solid të qeverisë në aspektin e shërbimeve elektronike të ofruara ndaj qytetarit dhe biznesit. Portali është projektuar që të ndërveprojë si një qark inteligjent, duke shërbyer si një pikë e vetme aksesi për qytetarët, për të gjitha shërbimet e ofruara nga administrata publike dhe institucionet përfaqësuese të saj.

Në këtë portal, qytetari apo biznesi do të gjejë informacione të detajuara mbi shërbimet qeveritare në përgjithësi dhe shërbimet elektronike në veçanti.

Ky sistem, i ngritur nga Agjencia Kombëtare e Shoqërisë së Informacionit (AKSHI) nëpërmjet financimit të Bashkimit Evropian (BE), prej 2.4 milion euro, ka nisur të lidhet dhe janë lidhur sisteme si Rregjistri Kombetar i Gjendjes Civile, QKL, QKR, Matura shteterore, etj.

/IDEA/

Na ndiqni në: @GazetaIdea në Twitter/Gazeta Idea (Faqja Zyrtare) në Facebook