Lajmi i fundit:
  • 11:07 Inzaghi: E vështirë për këdo të fitojë ndaj Milanit në “San Siro”

  • 11:00 Izraeli rihap zonën e shenjtë në Jeruzalemin Lindor

  • 11:00 Studentët peticion: Jo pagesës për provimet e mbartura

  • 10:22 Arvizu: Qeveria të punojë ngushtësisht me BE

  • 10:10 Vasili: Përpjekje maksimale për integrimin

  • 10:02 Furnizimi me gaz, nënshkruhet marrëveshja Ukrianë-Rusi-BE

  • 09:39 Tiranë, zjarr tek Dy Kullat, evakuohen njerëzit

  • 09:25 Ndahet nga jeta aktori Fadil Kujovska në moshën 63-vjeçare

  • 20:08 Vjedhja e Energjisë, Ardian Çipa: 13 të arrestuar ditën e sotme

  • 19:12 Tiranë, atentat me armë zjarri ndaj një personi

Fregata franceze “AMS Jean de Vienne” vizitë në Portin e Durrësit

jean-de-vienne.jpg-3Durrës- Paraditen e sotme në portin e Durrësit u ankorua fregata franceze “AMS Jean de Vienne”, e cila vjen në vendin tonë në kuadrin e një vizite portuale.

Sipas njoftimit të Ministrisë së Mbrojtjes kjo vizitë është e përfshirë në Planin e Bashkëpunimit Ushtarak Dypalësh, Shqipëri-Francë për vitin 2013.

“Qëllimi i kësaj vizite është planifikimi i stërvitjes ndërmjet anijes franceze  “AMS Jean de Vienne”, anijes shqiptare “Iliria” P-131 dhe zhytësve të Forcave tona Detare”,-thuhet në njoftim.

Sakaq pas bregëzimit të fregatës franceze në portin e Durrësit, komandanti i Komandës së Forcës Detare, gjeneral brigade Qemal Shkurti, do të presë në një takim të veçantë komandantin e anijes franceze, Kapiten i Rangut të Parë Pierre Yves Grente, ndërsa më pas komandanti i fregatës franceze do të pritet në takime të veçanta edhe nga kryetari i bashkisë së Durrësit dhe drejtori i portit të Durrësit.

Në mesditë, shefi i Shtabit të Përgjithshëm i FA-së, gjeneralmajor Xhemal Gjunkshi, i ftuar nga komandanti i anijes franceze, Kapiten i Rangut të Parë Pierre Yves Grente, do të bëjë një vizitë në mjediset e anijes franceze “AMS Jean de Vienne”.

Vizita portuale e fregatës franceze “AMS Jean de Vienne” do të përfundojë më datë 7 mars 2013.

Gjatë këtyre ditëve, përveç stërvitjes së përbashkët midis kësaj anije dhe anijes “Iliria” P-131, do të bëhen vizita në bordin e anijes franceze nga efektivë të Forcave Detare, vizita kulturore të personelit të kësaj anije në Portin e Durrësit, ndeshje futbolli ndërmjet ekipit të anijes franceze dhe ekipit të Shtabit të Forcës Detare etj.

Na ndiqni në: @GazetaIdea në Twitter/Gazeta Idea (Faqja Zyrtare) në Facebook