Lajmi i fundit:
  • 20:30 MPB: Angazhim për mbarëvajtjen e vizitës

  • 19:59 Rama: Vizita e Papës, me sukses të plotë. Krenar!

  • 19:43 Papa në avion drejt Romës, pas vizitës historike në Shqipëri

  • 19:28 Papa në aeroportin e Rinasit, përcillet nga Rama

  • 19:13 Papa largohet nga Bubqi drejt Rinasit

  • 19:00 Papa: E mira shpagon shumë herë më shumë se paraja

  • 18:41 Papa në qendrën ‘Betania’

  • 18:00 Papa drejt qendrës ‘Betania’, ndalesa e fundit

  • 17:38 Papa: Shqipëria, vend i martirëve

  • 16:50 Papa Francesku mbërrin në Katedralen e “Shën Palit”

Matura 2013, 50 mijë nxënës iu nënshtruan provimit të Matematikës

matura-nxenes-ne-provimTiranë- Rreth 50 mijë maturantë në të gjithë vendin dhanë këtë të premte provimin e dytë të detyruar të Maturës Shtetërore, atë të Matematikës.

Testi nisi në orën 10:00 të mëngjesit dhe zgjati dy orë e gjysmë siç edhe ishte parashikuar. Studentëve nuk ju lejua asnjë mjet tjetër përvecc kartës së identitetit dhe mjeteve ndihmëse për të shkruajtur.

Ndërkaq që me përfundimin e orarit zyrtar të provimit, ka reaguar edhe Ministria e Arsimit e cila ka theksuar se testi është mbajtur brenda rregullave.

“Provimi i Matematikës përfundoi në të gjithë vendin. Ai u mbajt në përputhje me rregullat e Maturës Shtetërore”,- tha zëdhënësi i ministrisë, Fitim Zekthi.

Ashtu si edhe në provimin e parë të Gjuhë- Letërsisë, janë përdorur zhurmues për të ndaluar kopjimet nga celularët dhe detektorë për të kapur të gjitha pajisjet elektronike që mund të tentohet të futen në ambientet e provimit.

Sakaq nga mediat pati edhe raportime për nxjerrje të tezave brenda orarit të provimit, të cilat u hodhën poshtë nga Ministria e Arsimit.

Testi i matematikës konsiderohet më i vështirë, pasi bën pjesë në profilin shkencor, ku jo të gjithë studentët kanë prirje dhe hasin vështirësi. Specialistët thanë se pyetjet ishin për të tria nivelet e nxënësve, për të dobëtit në masën 40% të pyetjeve, për nxënësit mesatarë në masën 40% dhe për të shkëlqyerit 20% të pyetjeve.

Tashmë përgjigjet pritet të publikohen jo më vonë se dy javë nga dita e sotme, ndërsa më 30 qershor maturantët do të japin provimet për lëndët me zgjedhje.

Na ndiqni në: @GazetaIdea në Twitter/Gazeta Idea (Faqja Zyrtare) në Facebook