Lajmi i fundit:
  • 19:54 Arrestohet një person në Vlorë, u kap me eksploziv

  • 19:35 Kryeministri Rama shkruan në Facebook mbi samitin e Berlinit

  • 18:22 Deputetja Vasilika Hysi në konferencë shtypi

  • 18:11 SHBA-ja shton sanksionit mbi Iranin

  • 18:00 Mosdeklarimi i pasurisë, ILDKP- vijon me masat ndëshkimore

  • 17:03 Vjedhja në BSH, jepen 7 urdhër arreste

  • 16:01 Mashtronte duke premtuar punësim, një i arrestuar në Durrës

  • 14:11 Rama, vizitë zyrtare në Serbi më 22 tetor

  • 14:11 Berisha në FB: Vendi po zhytet në kaos dhe pasiguri të plotë

  • 11:38 FMN: Nëse të implikuar janë drejtori dhe bordi, të zbatohet ligji

SIDA në Shqipëri në rritje. Numri i të prekurve më i lartë se në rajon

Tiranë- HIV/AIDS është një sëmundje me një kurbë në rritje në Shqipëri, gjë që tregon se duhet një vëmendje më e madhe.

komisioni-i-shendetesise700Komisioni për Punën, Çështjet Sociale dhe Shëndetësinë

Kështu janë shprehur përfaqësues të shoqatave dhe organizatave të shoqërisë civile si dhe koordinatori kombëtar për HIV/AIDS në Institutin e Shëndetit Publik, z. Roland Bani në komisionin për Punën, Çështjet Sociale dhe Shëndetësinë sot në kuadër të Ditës Botërore të Luftës kundër HIV/AIDS.

Numri, sipas z. Bani, është në rritje jo vetëm krahasuar me shifrat e viteve të kaluara, por edhe në krahasim me vendet e tjera të rajonit.

Koordinatori Roland Bani vuri në dukje se në total janë 671 persona të prekur nga ky virus që prej vitit 1993, vit kur u zbulua rasti i parë në Shqipëri.

Të paktën 96 raste të reja janë diagnostikuar gjatë vitit 2013, prej të cilëve 53 në stad të avancuar.

Sipas zotit Bani, rreth 60% e rasteve të konstatuara gjatë vitit 2013 janë kapur në stadin AIDS. Përsa i përket raportit femra-meshkuj, 70% e rasteve të diagnostikuara janë meshkuj dhe 30% femra.

Karakteristikë te femrat mbetet niveli i ulët i testimit vullnetar.

Sipas koordinatorit kombëtar për HIV/AIDS rastet me HIV/AIDS te femrat zakonisht konstatohen pas hetimit epidemiologjik, që do të thotë në rastet kur partneri është diagnostikuar me HIV/AIDS ose gjatë kontrolleve në periudhën e shtatzënisë.

komisionishendetesis222Përfaqësuesit e shoqërisë civile

Një problem tjetër që z. Bani ngriti gjatë fjalës së tij ishte niveli i ulët i testimit në përgjithësi, pavarësisht masave të ndërmarra nëpërmjet ngritjes së qendrave këshillimore. Gjithsesi, masat parandaluese ndaj HIV/AIDS janë përqendruar kryesisht te përdoruesit e drogës.

Në fjalën e tij drejtori i Shëndetit Publik në Ministrinë e Shëndetësisë, Gazmend Bejtja, tha se aktualisht është në fuksionim mekanizmi kombëtar i koordinimit për HIV/AIDS, që ka për qëllim të mbështesë njerëzit që jetojnë me këtë sëmundje.

Na ndiqni në: @GazetaIdea në Twitter/Gazeta Idea (Faqja Zyrtare) në Facebook